جلس مع ابو اصطيف على رصيف الشارع يدردشون
– عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي
– والله يا ابو صطيف طالعة اشاعة قوية كتير والكل عم يحكي فيها انو في زلزال قريب بدو يضربنا بقى بنصحك تأجل مشروعك شوي
– في حكي قوي كتير انو الدخان رح ينقطع مشان ينفقد بالسوق ويغلى سعرو لذلك اشتريلك كم كروز مونة
– الحكي مسرب من ناس فوق .. الخدامات الاندنوسيات معهن ايدز … جيبلك فلبينية
– وصلني ايميل بيقول انو احذف المسنجر من عندك لانو فيو سمايليات يهودية ونجمة داوود لذلك بنصحك ترجع تربي كشة الحمام ع السطح لنرجع نتواصل
و الله منيح نبهتنا عالاندونيسيات
هههههههههههههههه
الله يعطيك العافية
ليش ما بتعرف انو الwordpress يهودية و كلشي عم تساويه عم يروح لمصلحة إسرائيل!!.
الحق معك كلو علاك بعلاك.
“الخدامات الاندنوسيات معهن ايدز …” الاستخدام هو : خادمات أم جاريات في هذه الحالة! تحيّة لك
ما بتعرف كمان إن فيس بوك يعمل لصالح الموساد و CIA !!!
وأسسته أميركا والمخابرات الإسرائيلية للتجسس على العرب!
>>> قال يعني العرب عندهم شي مخبّى!
~
أكتر ناس نرّوج إشاعات…
بسبب حالنا البائس وزمن القمع…
شو ها الحكي؟؟
ودٌّ
والله هيك الحكي يا جماعة … اشاعات وقصص وكلام رايح جاي … ويبقى الجهل سيد الموقف
ويا امة ضحكت من جهلها الامم
تحياتي للجميع
مع الاشاعات و الشائعات في كمان التنبؤات و التنجيمات .. ومن لف لفهم .. يعني بس انا بطمنك اخر تنبؤ انا تنبأته انو اذا ما صار هداك الشي الاولاني رح يصير الشي التاني و بالعكس 😛
واذا صار الشي التاني قد لا يصير الاولاني ولا الرابعاني كمان
مرحبا مانوليا
أخر خبر هو انو الوورد بريس يضر بالصحة
وسبب رئيسي لأنفلونزا الخنازير 🙂
وكمان بيعمل ادمان !
والله عم يطلع معون اشكال الوان هالعالم
تحياتي احمد
عم يقولوا انو في امواج كهرومغناطيسة رح تضرب الارض بـ 2010 ورح ينتهي عصر التكنولوجيا ونرجع لزمان الديناصورات
وكمان عم يقولو انو كاسة الشاي جنب شاشة الكمبيوتر بتدخلها ملايين الامواج الكهرومغناطيسية واللي بيعمل هيك لازم يموت ^_^ …. غريب كيف بعدي عايش ؟!
مابعرف بس ياصاح في عندك علم
إنو حتى تراب المصاري عم بغلى بهالإيام .
كنت هون وسمعت الإشاعات .
تحية
ما بعرف إذا سمعتوا إنو حتى تراب المصاري
رح يغلى .
تحياة .
معناها صار لازم نقول بغبار المصاري !!
ههههههههههه
أضحك الله سنك يا شيخ
أعبجتني الأخيرة جداً
وبيبقى كلو حكي 🙂
وضيف هي من مسلسل بقعة ضوء :
شفير التكسي الأول بيقول لشفير التكسي الثاني طبعا ً ( كلاهما عم بيقدم بكلوريا )
الأول : كيف الحفظ معك أبو محمود
الثاني: والله يا أبو مروان خايف شوي من الجغرافيا أنت من شو خايف ؟
الأول :أنا خايف من العربي ي أبو محمود
الثاني لك له يا أبو مروان !! أنت خايف من العربي لك ((((( العربي بعمرو ما وقف بوجه حدى )))) 🙂
حكي…
جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……
حكي…
جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……