حكي

جلس مع ابو اصطيف على رصيف الشارع يدردشون

– عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي

– والله يا ابو صطيف طالعة اشاعة قوية كتير والكل عم يحكي فيها انو في زلزال قريب بدو يضربنا بقى بنصحك تأجل مشروعك شوي

– في حكي قوي كتير انو الدخان رح ينقطع مشان ينفقد بالسوق ويغلى سعرو لذلك اشتريلك كم كروز مونة

– الحكي مسرب من ناس فوق .. الخدامات الاندنوسيات معهن ايدز … جيبلك فلبينية

– وصلني ايميل بيقول انو احذف المسنجر من عندك لانو فيو سمايليات يهودية ونجمة داوود لذلك بنصحك ترجع تربي كشة الحمام ع السطح لنرجع نتواصل

19 Comments
  1. hamadeh says

    و الله منيح نبهتنا عالاندونيسيات
    هههههههههههههههه
    الله يعطيك العافية

  2. Adnan says

    ليش ما بتعرف انو الwordpress يهودية و كلشي عم تساويه عم يروح لمصلحة إسرائيل!!.
    الحق معك كلو علاك بعلاك.

  3. باسل says

    “الخدامات الاندنوسيات معهن ايدز …” الاستخدام هو : خادمات أم جاريات في هذه الحالة! تحيّة لك

  4. إسلام ناجح says

    ما بتعرف كمان إن فيس بوك يعمل لصالح الموساد و CIA !!!
    وأسسته أميركا والمخابرات الإسرائيلية للتجسس على العرب!
    >>> قال يعني العرب عندهم شي مخبّى!

    ~
    أكتر ناس نرّوج إشاعات…
    بسبب حالنا البائس وزمن القمع…

  5. سيدة ُ الزُّرقة says

    شو ها الحكي؟؟

    ودٌّ

  6. ناسداك says

    والله هيك الحكي يا جماعة … اشاعات وقصص وكلام رايح جاي … ويبقى الجهل سيد الموقف
    ويا امة ضحكت من جهلها الامم

    تحياتي للجميع

  7. manolia says

    مع الاشاعات و الشائعات في كمان التنبؤات و التنجيمات .. ومن لف لفهم .. يعني بس انا بطمنك اخر تنبؤ انا تنبأته انو اذا ما صار هداك الشي الاولاني رح يصير الشي التاني و بالعكس 😛

    1. ناسداك says

      واذا صار الشي التاني قد لا يصير الاولاني ولا الرابعاني كمان

      مرحبا مانوليا

  8. Ahmad . M . G says

    أخر خبر هو انو الوورد بريس يضر بالصحة
    وسبب رئيسي لأنفلونزا الخنازير 🙂

    1. ناسداك says

      وكمان بيعمل ادمان !

      والله عم يطلع معون اشكال الوان هالعالم

      تحياتي احمد

  9. maram_soft says

    عم يقولوا انو في امواج كهرومغناطيسة رح تضرب الارض بـ 2010 ورح ينتهي عصر التكنولوجيا ونرجع لزمان الديناصورات

    1. ناسداك says

      وكمان عم يقولو انو كاسة الشاي جنب شاشة الكمبيوتر بتدخلها ملايين الامواج الكهرومغناطيسية واللي بيعمل هيك لازم يموت ^_^ …. غريب كيف بعدي عايش ؟!

  10. روح الياسمين says

    مابعرف بس ياصاح في عندك علم
    إنو حتى تراب المصاري عم بغلى بهالإيام .
    كنت هون وسمعت الإشاعات .
    تحية

  11. روح الياسمين says

    ما بعرف إذا سمعتوا إنو حتى تراب المصاري
    رح يغلى .
    تحياة .

  12. ناسداك says

    معناها صار لازم نقول بغبار المصاري !!

  13. مزاجيات says

    ههههههههههه
    أضحك الله سنك يا شيخ
    أعبجتني الأخيرة جداً

    وبيبقى كلو حكي 🙂

  14. بشر says

    وضيف هي من مسلسل بقعة ضوء :
    شفير التكسي الأول بيقول لشفير التكسي الثاني طبعا ً ( كلاهما عم بيقدم بكلوريا )
    الأول : كيف الحفظ معك أبو محمود
    الثاني: والله يا أبو مروان خايف شوي من الجغرافيا أنت من شو خايف ؟
    الأول :أنا خايف من العربي ي أبو محمود
    الثاني لك له يا أبو مروان !! أنت خايف من العربي لك ((((( العربي بعمرو ما وقف بوجه حدى )))) 🙂

  15. Shbbk | شبك

    حكي…

    جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……

  16. حكي…

    جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……

Comments are closed.

%d