بحيرة بتجنن … بتدوخ .. بتوجع الراس والعين !!

هلء من حيث الصورة فهي عادية يعني وين اللي بيجنن بالموضوع ؟
صورة بحيرة بولاية Massachussets …

لكن قبل ما توصل للبحيرة وبالسيارة بتلاقي اللافتة التالية اللي بتشير انك قربت ها حضر حالك



ليش عم تفتل راسك من اليسار لليمين 180 درجة .. دوختني
طيب رح سهل عليك وخليك تقرأها بسطر واحد

Chargoggagoggmanchauggagoggchaubunagungamaugg

وإن حبيت تحكيها بالعربي …

تشارغوغاغوغمانتتشاوغاغوغتشاوبوناغونغاماوغ

وان كنت مفكر انو تعدون رح يطلعوا معك 45 حرف … بس بتصدق انو هاد الاسم فيو خطأ بالترجمة وزادوه مؤخرا 4 حروف وبدلوا الحرف 20 صار u بدال o والحرف 35
h لازم يكون n

واسم البحيرة اصله هندي وبيعني ( مكان الصيد على الحدود، وأرض محايدة للقاء )

المهم ان كنت مفكر انو هاد اطول اسم مكان بالعالم بحب طمنك وقلك انك غلطان … هاد اطول اسم مكان بأمريكا فقط انما في غيرو يعتبر اطول اسم مكان بالعالم … خدلك نظرة



وهي مشان تقراهون بشكل افضل
Taumatawhakatangihangakoauauotameteaturipukakapiki maungahoronukupokaiwhen
uakitanatahu

هاد المكان بنيوزلنده يا عين عمك …

طيب جكارة بكل السابق …




ع البساطة البساطة يا عيني ع البساطة …

وهاد المكان موجود بالسويد والنروج ويعني باللغة الاسكندنافية النهر

اخيرا يا سادة يا وسط … لو رحت ع Massachussets وحدى سألك دلني على طريق بحيرة Chargoggagoggmanchauggagoggchaubunagungamaugg

لاتقلوا حل عنا ياه ناقصنا مجانين لانو !

عن محمد حبش

يمكنك متابعة المدونة أيضاً عبر فايس بوك، تويتر، التغذية، و النشرة البريدية

شاهد أيضاً

المعضلة الأخلاقية للطبقات الوسطى العربية

لا يوجد طريق وسط إن مظاهر العنف التي اجتاحت الشرق الأوسط شتت انتباه العالم من …

5 تعليقات

  1. بالفعل المسالة بتجنن وبتدوخ
    كل الاسماء ما عجبتهم وما لاقوا غير هذا الاسم

  2. لو حطيت ياناسداك صورة تانية كان رح يطير عقلي أكتر ما كان طاير

    الله يعين البشر على ها اللغات والأسماء

    ويا ما أحلاكي يا لغتنا العربية

    ودٌّ

  3. العسكري .. شايف بالله … عالم بتجيب وجع الراس لالها !!

    سيدة الزرقة … اهلا بك سيدتي في مدونتي … اتابعك دوماً لكن لا يستنى لي التعليق …
    وهيك بيكفي ليطير عقلاتنا سوى … مابظن ضلت صورة بتطير العقل عن طول الاسماء اكتر من هيك !! … وفخر لنا لغتنا

    تحية

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: